Hassan achukua nfasi ya Michel kuinoa Zamalek

Gwiji wa soka barani Afrika Hossam Hassan wa Misri ametwaa nafasi ya ukocha kuifundisha timu ya Zamalek baada ya timu hiyo kumtupia virago kocha wake wa zamani raia wa Ufaransa Henri Michel.

Kwa mujibu wa habari kutoka jijini CAIRO timu hiyo moja ya timu vigogo barani Afrika imeamua kumtupia Virago Michel baada ya kupoteza michezo mitano mfululizo ya ligi kuu ya nchi hiyo msimu huu

Hassan alikuwa mchezaji wa kwanza kuweka historia ya kuvitumikia vilabu viwili vikubwa nchini humo yaani Ahly na Zamalek na kuvipatia mafanikio makubwa kimataifa

Mashabiki wa timu ya Zamaleki wameupokea kwa furaha uteuzi wa nguli huyo wa soka nchini humo kuinoa timu yao wakiamini kuwa ataweza kuipatia mafanikio kutokana na rekodi yake