STARS ITAKWENDA BRAZIL 2014

 Kocha   mkuu wa kikosi cha  timu ya taifa  ya Gambia  (The Scopions) Luciano Mancini amesema Stars inaweza  kufuzu  kushiriki michuano ijayo ya  kombe la Dunia 2014 inayotarajiwa kupigwa  nchini Brazil.

Akizungumza  muda  mfupi  baada  ya  kumalizika kwa  mchezo wa  kuwania  kufuzu fainali hizo  baina  ya timu yake na Taifa Stars  kocha huyo raia wa Italia  alisifia kiwango kilichoonyeshwa na wachezaji wa Stars na kusema  endapo kikosi hicho hakita badilishwa  basi ana uhakika Tanzania  itafuzu kwa  fainali hizo.

"Nimeona mchezo wa  kiwango cha juu  kutoka kwa wachezaji wa Stars, walicheza  vizuri  kama timu, na  zaidi  wameonyesha  vipaji vya hali ya juu ka mchezaji moja moja"  alisema  Mancini

Akiendelea  zaidi  kocha huyo  mwenye  uwezo wa  kuongea Kiengereza cha taratibu  alitanabaisha kuwa  star ni moja ya timu yenye  wahezaji bora  sehemu ya  kiungo huku akimataja Salum  Aboubakar kama mchezaji aliyekuwa  bora  kwenye mchezo huo.