GAMBIA KUTUA LEO USIKU

Kikosi kamili cha   Timu ya  soka  ya Taifa ya  Gambia  kinataraji kutua leo  usiku  tayari kabisa  kuivaa Taifa star  katika mchezo wa  pili wa kusaka tiketi ya kushiriki michuano ya  Kombe la  dunia 2014 inayotajiwa kutimua vumbi huko nchini Brazil.

Akizungumza na blog hii  muda mfupi uliopita msemaji wa shirikisho la  soka nchini TFF, Boniface Wambura  amesema kuwa  Timu hiyo itawasiri kwenye uwanja  wa  ndege wa  kimataifa wa Jk Nyerere majira ya saa 3:30 usiku  ikiwa na msafara wa  watu 32, kati yao 22 wakiwa ni wachezaji na waliobaki ni viongozi  tayari kwa  kuikabiri Stars hapoa siku ya jumapili.

"Ndiyo Gambia  ilikuwa iwasiri jana  lakini  ilishindwa baada ya kuchelewa  kubadili ndege  ilipokuwa jijini Dakar Senegal hivyo itawasili leo muda huo ikiwa na kikosi kamili  kwa mujibu wa viongozi walioambatana na  timu hiyo kutoka shirikisho la mpira huko Gambia". alisema Wambura

Akiendelea zaidi msemaji huyo alitanabaisha kuwa  timu hiyo itaweka kambi katika Hotel  ya  Sawaya,  na itakuwa na  program ya mazoezi kuanzia kesho asubuhi kwenye uwanja wa Karume na baadae uwanja  wa Uhuru siku ya  Jumamosi.

Katika hatua nyingine Wambura alisema kuwa tiketi za mtanange huo sitaanza  kuuzwa siku ya jumamosi asubuhi katika  vituo vyote  ambavyo shirikisho hilo limekuwa likivitumia kwenye michezo iliyopita.