MWASIKILI WA TWIGA KUTUA LEO

Nahodha  wa timu ya soka ya taifa ya wanawake nchini Twiga Star, Sofia Mwasikili anatarajiwa kuwasili nchini leo usiku akitokea nchini Uturuki tayari kwa  mchezo wa  Juni 16 dhidi ya Ethiopia.

Msemaji wa  shirikisho la soka nchini Boniface Wambura ameidokeza Blog hii  kuwa Sofia  atawasili Usiku kwa ndege ya shirika  la  Kenya  Airways na  moja kwa moja  atajiunga na kambi ya Twiga Star iliyoko Ruvu  mkoani Pwani tayari kwa  kuikabiri timu ya taifa ya wanawake kutoka Ethiopia kwenye mchezo wa  pili wutakaochezwa kwenye Uwanja wa Taifa  jijini Dar  kuwania kufuzu kwa fainali za michuano ya Afrika.

"Sofia atawasiri leo  Usiku  na kujiunga moja kwa moja na kambi huko Ruvu"  alisema Wambura.

Katika mchezo wa awali uliochezwa jijini Adis Ababa  Twiga ililala kwa  mabao 2-1 kwa moja  hivyo katika mchezo wa juni 16  inahitaji ushindi wa bao  moja au zaidi  ili kufuzu kwa fainali hizo.