NILIPIGWA KIWIKO HATARI

 Nyota  wa kikosi cha timu ya taifa ya Tanzania,  (Taifa  Stars) Mrisho  Ngassa amesema  kuwa  alipigwa  kiwiko  cha nguvu   na mlinzi wa  timu ya Taifa ya Gambia  kilichomfanya  kupasuka  sehemu ya juu ya jicho la  upande wa kushoto katika mchezo wa  kuwania kufuzwa  kwa kombe la dunia  2014 uliopigwa kwenye uwanja wa Taifa jijini Dar es Salaam..

Akizungumza na Blog hii  muda mfupi baada ya  kumalizika kwa mchezo huo  Ngassa  aneyecheza kwenye kikosi cha Azam Fc  alisema  kuwa  amesikitishwa na mwamuzi wa  mchezo huo  Reivire Revire  kutoka  Zimbabwe kwa kushidwa kuliona tukio hio na kutokumwazibu kwa  kadi yoyote mlinzi huyo.

"Jamaa alinifanyia  kitendo kibaya  lakini nasikitikia mwamuzi hakuona na  hakuchukua hatua  yoyote kwa beki huyo, kilikuwani kiwiko cha makusudi kilicholenga  kuniumiza na kunitoa mchezoni lakini nashukuru mungu  madaktari walifanya kazi nzuri nikaweza kuendelea na mchezo hadi mwisho" alisema Ngasa.