TIKETI KUANZA KUUZWA KESHO

 Tiketi za pambano na kuwania kufuzwa kwa michuano ya kombe la  dunia 2014 katika ya Taifa Stars na  timu  ya taifa ya Gambia  zitaanza  kuzwa kesho  katika  vituo mbalimbali.

Akizungumza na blog hii  muda mfupi uliopita msemaji wa shirikisho la soka  Tanzania, Boniface Wambura  amesema kuwa  tiketi   hizo zitauzwa katika  maeneo ya  Stears  Posta, Shule ya  Sekondari  Benjamin Mkapa,Uwanja wa Taifa na maeneo ya Soko Kuu la  Kariakoo.

"Tiketi zitaanza kuuzwa kesho  majira ya saa mbili kwenye  vituo hivyo, kwa kiingilio ambacho tulishatangaza hapoa awali, hivyo tunawaomba watanzania kujitokeza kwa wingi kupata tiketi kwa ajili ya kwenda kuipa sapoti timu yao" alisema Wambura

Akiendelea  zaidi msemaji huyo aliarifu kuwa  tiketi hizo  zitapatikana pia  Uwanja wa Taifa siku ya mchezo kuanzia majira ya saa  5  mara baada ya kufungwa kwa vituo vilivyo nje na  uwanja huo.

Katika  hatua  nyingine Wambura amesema kuwa  Nahodha  wa timu ya  Twiga Stars  Sofia Mwasikili  ameshindwa  kuwasiri jana kama alivyotarajiwa  baada ya  kuchelewa ndege  jijini  Istambul.

"Sofia  ameshindwa kuwasili jana usiku kama tulivyo watangaziam kutokana na kuchelewa ndege hivyo  amepangiwa ratiba nyingine na anatarajiwa  kuwasili hapa  nchini siku ya jumapili"  alisema Waambura.